Fróðleikur
Er bíllinn þinn klár fyrir veturinn
veturinn. Það eykur öryggi ökumanna í umferðinni ásamt því að gott viðhald og góð umhirða eykur endingu og viðheldur verðmæti ökutækisins.
Förum yfir nokkra hluti áður en veturinn brestur á í öllu sínu veldi.
Dekkin gegna gríðarlega mikilvægu hlutverki þegar kemur að umferðaröryggi. Það þarf að passa að munstrið á þeim sé í lagi upp á grip að gera og góða aksturseiginleika. Þá þarf líka að passa að það sé réttur loftþrýstingur í þeim. Það er einnig mjög gott að þrífa dekkin reglulega með dekkjahreinsi, það eykur veggrip í snjó og hálku.
Það er mjög gott að hafa hrímeyði til að hreinsa frosthrímið utanvert af bílrúðunum, rakapúða til að minnka rakann innanvert í bílnum, rúðusköfu, kúst, jafnvel snjóskóflu, einnig er mikilvægt að vera með frostþolinn rúðuvökva. Það er líka gott að smyrja gúmmikanta á hurðum með sílikon spreyi svo þeir festist ekki og einnig er gott að smyrja í læsingar helst með þurrsmurningu sem hrindir frá vatni.
Rafgeymar gefa sig oft í frosti
Það er þekkt dæmi að rafgeymar gefa sig í frosti, álagið á þá eykst í kulda og frosti. Það er því um að gera að fá ástandsskoðun á rafgeyminn og ef að rafgeymirinn er orðinn slappur þá er um að gera að endurnýja hann. Perur bílsins þurfa að vera í lagi og öll ljós í toppstandi, sérstaklega þegar farið er að dimma og að sjálfsögðu þarf að muna að vera með þau kveikt.
Frostlögurinn þarf að vera í lagi
Það margborgar sig að láta mæla frostgildið í frostleginum en það er hægt að fá það gert t.d. á smurstöðvum einnig á sumum bensínstöðvum og jafnvel sumum sérverslunum sem selja frostlög. Einnig má benda á að rúðuþurrkurnar eru afar mikilvægur búnaður á bílum og á veturna eykst mikið notkun á þeim. Mikilvægt sé að skipta þeim strax út fyrir nýjar þegar þær eru farnar að slitna.
Almennt er mjög gott að vera það sé einnig mjög gott að vera með bílinn vel bónaðann allan ársins hring en sérstakelga er það gott fyrir veturinn. Bónið hrindir óhreinindum og vatni frá og það festist minni snjóar á bílnum. ,,Þá er líka er mjög gott að vera með vatnsfælandi efni á bílrúðunum, það gerir það að verkum að minni raki festist við þær og minna vesen verður að skafa þær á veturna.