Poulsen bílrúðuverkstæði
Bílrúðuskipti og framrúðuviðgerðir
Sérhæfðir fagmenn með áratuga reynslu í framrúðuskiptum, bílrúðuskiptum og framrúðuviðgerðum. Við erum í samstarfi við öll helstu tryggingafélög og sjáum um frágang gagnvart þeim fyrir þig.
Áratuga reynsla í bílrúðuskiptum
Hjá Poulsen starfa sérhæfðir fagmenn í bílrúðuskiptum, framrúðuskiptum og framrúðuviðgerðum. Við byggjum á áratuga langri reynslu og leggjum metnað í fagleg og vönduð vinnubrögð.
Poulsen er með einn stærsta lager af bílrúðum á landinu. Ef þú ert í vafa um rúðuna hjá þér máttu alveg líta við hjá okkur í Skeifunni 2 eða á Hyrjarhöfða 9 og fá ráðleggingar um hvað er best að gera.
Gæðavottun Bílgreinasambandsins
Poulsen bílrúðuverkstæði er með gæðavottun BGS. Vottunin nær til vinnubragða, búnaðar og efna sem notuð eru við rúðuísetningu.
Svona gengur það fyrir sig
Þú þarft ekki að hafa samband við tryggingafélagið aftur eftir að þú hefur tilkynnt tjónið. Við sjáum um afganginn.
- Tilkynntu tjónið á vefsíðu tryggingafélagsins þíns. Það flýtir allri afgreiðslu þegar bíllinn kemur til okkar.
- Bókaðu tíma á vefnum eða í síma 530 5900.
- Komdu með bílinn milli 08:00 og 09:00 þann dag sem hann er bókaður. Þú mátt líka koma með hann kvöldið áður og skilja lyklana eftir í lyklalúgunni hjá okkur.
- Við skiptum um rúðuna eða gerum við hana og gengum frá öllum pappírum gagnvart tryggingafélaginu.
- Sæktu bílinn samdægurs. Starfsfólk okkar segir þér hvenær óhætt er að aka af stað eftir ísetningu.
Framrúðuviðgerð kostar þig ekkert
Vissir þú að þegar um framrúðuviðgerð er að ræða greiða tryggingafélögin fyrir hana að fullu? Þú greiðir ekkert og það er engin eigin áhætta.
Það margborgar sig að bregðast hratt við og láta gera við framrúðuna sem fyrst. Lítið steinkast getur orðið að langri sprungu á einni frostnótt, og þá er viðgerð ekki lengur í boði.
Hvenær þarf að skipta um framrúðu?
Í sumum tilfellum er ekki hægt að gera við skemmd og þá þarf að skipta um rúðuna. Framrúðan er hluti af burðarvirki bílsins og heldur loftpúðanum í réttri stöðu, svo hún þarf að vera heil.
Helstu ástæður framrúðuskipta og bílrúðuskipta eru:
- Sprungur sem eru orðnar langar eða dreifðar
- Skemmdir sem ná út að brún rúðunnar
- Sprunga eða skemmd í sjónlínu ökumanns
- Margar skemmdir á sama stað
- Rúða sem hefur misst styrk sinn
Gert er við rúðuna þegar
- brotið er minna en 2,5 cm í þvermál
- brotið er ekki innan 7 cm frá útjaðri framrúðu
- brotið er utan sjónlínu ökumanns
Skipta þarf um rúðuna þegar
- brotið er stærra en 2,5 cm í þvermál
- brotið er innan 7 cm frá útjaðri framrúðu
- brotið er í sjónlínu ökumanns
Framrúðutrygging: hvað greiðir tryggingin?
Framrúðutrygging er hluti af kaskótryggingu bílsins og nær yfir skemmdir á rúðum, til dæmis eftir steinkast. Hún ræður miklu um hvað þú greiðir:
- Framrúðuviðgerð: Tryggingafélagið greiðir viðgerðina að fullu. Þú borgar ekkert og það er engin eigin áhætta.
- Framrúðuskipti og bílrúðuskipti: Tryggingafélagið greiðir stærstan hluta kostnaðarins en þú greiðir eigin áhættu, yfirleitt 20–25% eftir tryggingafélagi.
Til að nýta framrúðutrygginguna tilkynnir þú tjónið á vefsíðu tryggingafélagsins áður en þú mætir til okkar, sem flýtir allri afgreiðslu. Ertu ekki viss hvort tjónið falli undir trygginguna þína? Hringdu í síma 530 5900 og við leiðbeinum þér.
Poulsen er í samstarfi við öll helstu tryggingafélög
Þú tilkynnir tjónið til þess tryggingafélags sem þú ert að tryggja bílinn hjá og gerir það á vefsíðu félagsins. Smelltu á merki þíns tryggingafélags til að tilkynna tjón.
25% afsláttur af þurrkublöðum við rúðuskipti
Nýrri framrúðu fer best með nýjum þurrkublöðum. Gömul blöð rispa glerið og skilja eftir rákir í rigningu. Við bjóðum 25% afslátt af þurrkublöðum þegar skipt er um rúðu og setjum þau að sjálfsögðu á fyrir þig.
Það borgar sig að líta á blöðin um leið og skipt er um rúðu. Bíllinn er hvort eð er inni hjá okkur og ísetningin fylgir með.
Poulsen er með tvö bílrúðuverkstæði
Bæði verkstæðin taka á móti bílum í bílrúðuskipti og framrúðuviðgerðir. Bókaðu tíma á vefnum og veldu þá starfsstöð sem hentar þér betur.
Algengar spurningar um bílrúðuskipti og framrúðuviðgerðir
Borgar tryggingafélagið viðgerð eða skipti?
Bílrúðuskipti: Við rúðuskipti greiðir tryggingartaki 20 til 25% eigin áhættu af tjóninu, og það fer eftir tryggingafélagi.
Framrúðuviðgerð: Þegar um framrúðuviðgerð er að ræða greiðir tryggingartaki ekkert. Það er engin sjálfsábyrgð.
Hvað kostar framrúðuskipti?
Verð á framrúðuskiptum fer eftir bíltegund og gerð rúðunnar, til dæmis hvort í henni eru skynjarar eða myndavélar. Ef þú ert með framrúðutryggingu greiðir tryggingafélagið stærstan hluta kostnaðarins og þú aðeins eigin áhættu, 20 til 25%. Framrúðuviðgerð er þér hins vegar alltaf að kostnaðarlausu. Hafðu samband í síma 530 5900 til að fá verðupplýsingar fyrir þinn bíl.
Hvað tekur langan tíma að skipta um bílrúðu?
Tímalengd bílrúðuskipta ræðst af nokkrum þáttum, svo sem ástandi rúðusætis, gerð ökutækis og hvort framkvæma þurfi skynjara- eða myndavélastillingar. Í flestum tilfellum tekur verkið 1 til 4 klukkustundir.
Get ég keyrt bílinn strax eftir bílrúðuskipti?
Eftir bílrúðuskipti þarf límið ákveðinn tíma til að ná nauðsynlegum styrk. Lágmarksþurrktími er að jafnaði 60 mínútur áður en óhætt er að aka bílnum.
Þessi tími er mikilvægur til að tryggja að framrúðan sé rétt fest og geti veitt nauðsynlegt viðnám ef loftpúði virkjast við árekstur. Þurrktíminn er því lykilatriði fyrir öryggi ökumanns og farþega.
Starfsfólk okkar veitir alltaf nákvæmar leiðbeiningar um hvenær óhætt er að aka bílnum eftir ísetningu.
Hvað tekur langan tíma að gera við framrúðu?
Viðgerð á steinkasti tekur yfirleitt innan við eina klukkustund. Markmiðið með viðgerðinni er að stöðva sprungu og styrkja glerið þannig að skemmdin stækki ekki.
Þó að viðgerðin dragi verulega úr sýnileika skemmdarinnar má yfirleitt búast við að einhver ummerki sjáist áfram í rúðunni.
Af hverju er mikilvægt að bregðast fljótt við steinkasti?
Smá skemmd getur fljótt þróast í stóra sprungu vegna hitabreytinga, titrings og álags í akstri. Með skjótum viðbrögðum er oft hægt að gera við rúðuna og forðast dýrari skipti.
Er alltaf hægt að gera við steinkast?
Ef skemmdin er lítil og ekki í sjónsviði ökumanns er oft hægt að gera við hana. Ef sprunga er orðin löng eða skemmdin er á viðkvæmum stað þarf yfirleitt að skipta um rúðuna.
Hvernig nýti ég framrúðutrygginguna?
Þú tilkynnir tjónið á vefsíðu tryggingafélagsins þíns áður en þú kemur til okkar, sem flýtir öllu ferlinu. Framrúðutrygging greiðir framrúðuviðgerðir að fullu og stærstan hluta kostnaðar við bílrúðuskipti. Poulsen er í samstarfi við öll helstu tryggingafélög og við sjáum um frágang gagnvart þeim.
Bókaðu tíma á bílrúðuverkstæði Poulsen
Tilkynntu tjónið hjá tryggingafélaginu þínu, bókaðu tíma og komdu með bílinn milli 08:00 og 09:00. Við sjáum um rest.