Lofttjakkur fyrir spjaldloka 65mm

Vörulýsing

Valbia serie 83, gerð SR75 — fjaðurheimtur lofttjakkur til að stýra spjaldloka með þrýstilofti. Þessi stærð er ætluð spjaldloka DN65.

Hvernig hann vinnur

Þrýstiloft snýr tjakknum í aðra áttina og gormar inni í honum snúa honum til baka þegar loftið fer af. Lokinn hefur því alltaf eina stöðu sem hann leitar í sjálfur.

Þetta gerir fjaðurheimtan tjakk að öryggisbúnaði fremur en bara stýribúnaði: detti loftið út, slokkni á segullokanum eða fari rafmagnið af, fer lokinn sjálfkrafa í örugga stöðu án þess að nokkur komi að honum. Þess vegna eru þeir valdir á lagnir þar sem opin — eða lokuð — staða má ekki ráðast af tilviljun: eldsneytislagnir, efnalagnir, kælikerfi og hvar sem bilun á að enda í öruggri stöðu.

Hvort tjakkurinn opnar eða lokar við loftleysi ræðst af því hvernig hann er settur á lokann; gormarnir vinna alltaf í sömu átt.

Kostir þessarar gerðar

• Fer sjálfkrafa í örugga stöðu við loftrof eða straumleysi
• Þarf aðeins eina loftlögn og einn tvívirkan segulloka
• Hentar þar sem öryggiskröfur ráða stöðu lokans

Smíði

Húsið er pressað ál sem er hart-anodíserað — sú yfirborðsmeðferð gefur mun harðara og tæringarþolnara yfirborð en venjuleg anodísering og er ástæða þess að þessir tjakkar endast í röku umhverfi. Öxullinn er úr nikkelhúðuðu stáli og er útblástursvarinn (anti-blowout), þannig að hann getur ekki þeyst út þótt þrýstingur byggist upp innanfrá. Kamburinn er úr ryðfríu stáli og legufletirnir úr sjálfsmyrjandi plasti, svo tjakkurinn þarf enga smurningu á líftíma sínum.

Að ofan er sjónrænn stöðuvísir svo sjá má stöðu lokans í fljótu bragði, stillanlegir endastopparar í báðar áttir, og NAMUR-festing fyrir segulloka og stöðurofa.

Festing á loka

Festingin fylgir ISO 5211 F05–F07 með 17 mm ferköntuðu drifi og snúningurinn er 90°. Það þýðir að tjakkurinn passar á hvern þann fjórðungssnúningsloka sem er með samsvarandi flansmynstur — þar á meðal Belven-spjaldlokana hér á síðunni. Gætið þess við val að vægi tjakksins dugi fyrir lokann við þann þrýsting sem er í kerfinu, og að loftþrýstingurinn sé sá sem tjakkurinn er miðaður við.

Tæknilegar upplýsingar