BOSCH

Bosch fyrirtækið í Stuttgart hefur framleitt íhluti í bifreiðar frá árinu 1886.

Lengi vel var heimamarkaðurinn sterkasta vígið fyrir þær vörur sem Bosch var að framleiða fyrir bílaframleiðendur og bílaverkstæði.

Þær nýjungar sem Bosch hefur kynnt til sögunnar í seinni tíð og eru orðin staðalbúnaður hjá mörgum framleiðendum eru m.a. skriðvörn (ESP),   innspýtingar fyrir diesel bifreiðar (Common Rail), leiðsögukerfi (Navigation), hraðastýringu með skynjurum (adaptive cruise control) nætursjón og margt fleira.

Bosch framleiðir í dag mikið úrval af skynjurum fyrir allar bifreiðar sem nýtast t.d. til að fylgjast með hraða, snúningshraða, þrýstingi, hljóðum, loftpúðaskynjara og fleiri þættir eru einnig stýrðir að hluta til með Bosch skynjurum.

Bilanagreiningartölvur eru sérgrein hjá Bosch enda skrifar fyrirtækið hugbúnað fyrir fjölmörg bílafyrirtæki sem notaður er til að vakta vélbúnað og rafkerfi bifreiða.

Næsta kynslóð bifreiða verður vafalaust sjálfkeyrandi að stórum hluta og þar er Bosch þegar í fremstu röð með þúsundir verkfræðinga að störfum til að sinna þessari þróun eingöngu.

Bosch er stærsta fyrirtæki heims sem ekki er skráð á hlutabréfamarkað og er með yfir 400.000 starfsmenn um allan heim.

Það er greypt inní stefnu félagsins að sinna vöruþróun umfram allt annað og þess vegna hefur Bosch verið í fararbroddi í bílgreininni í 70 ár.

 

BOSCH